طريقة عمل مزاليكا كبده وطحال وكبد وقوانص فاطمة ابو حاتى

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم..

مزاليكا :

الطريقة :

كبد وقوانص وقلوب الفراخ متنضفين كويس جدا

ف حلة عالنار مية مغلية و٣ م ك خل يدوبك يغلوا ننزل بالكبد والقوانص والقلوب تغلى غلوتين او ٣ هتعمل ريمة فوق الوش نشيلها  ومتقلقيش الكبد والقوانص هيستوا كويس وبعدها نصفى الكبد والقوانص كويس وبالطريقة دى بأضمنلك ان كل قطعة كبدة هتطلع بحالها مش مهرية وف طاسة عالنار فيها زيت ومعلقة توم مفروم مع زنجبيل فريش او بودر اول ماتصفر تكونى مصفية الكبد والقوانص وننزل بيها على التوم ونقلب كويس بعدها بصلة كبيرة جوانح انزلى بيها عليها وبعدها فلفل رومى مع قرن حامى قطعيهم مكعبات صغيرة وانزلى بيهم ف الطاسة وقلبي كويس بعدها اظبطى ملح وفلفل اسود ورشة كزبرة ناشفة وقلبي كويس بعدها طماطماية مكعبات صغيرة ودى اخر حاجة تنزل وتسبيها تاخد وتدى شوية لحد ما تحسي انها مفيهاش اى مية وبس كده استوت وبالهنا مع شوية سلطة طحينة وشوية جرجير وممكن جنبها مكرونة محمرة او مكرونة بصلصة زى ما تحبوا ..

الف هنا..